რონალდ არაუხოს ინგლისში იწვევენ

"ბარსელონას" ცენტრალურ მცველს რონალდ არაუხოს ინგლისდან რამდენიმე შეთავაზება აქვს. ინფორმაციას ამის შესახებ მადრიდული El Chiringuito ავრცელებს.

წყაროს ცნობით, არაუხო პრემიერ ლიგის 3 კლუბის ყურადღებას იქცევს. საქმე "მანჩესტერ იუნაიტედს", "მანჩესტერ სიტისა" და "ნიუკასლს" ეხებათ.

იგივე წყარო იტყობინება, რომ 25 წლის უკანახაზელს შეთავაზება ხსენებულმა სამივე კლუბმა უკვე გაუკეთა. "წითელი ეშმაკები" არაუხოს გადასაბირებლად მზად არიან, ფეხბურთელს ხელფასი გაუორმაგონ. ურუგვაელი გადაწყვეტილებას კოპა ამერიკის დასრულების შემდეგ მიიღებს.

გავრცელებული ინფორმაციით, "ბარსა" მზადაა, არაუხო გაყიდოს და მის სანაცვლოდ დაახლოებით 90-100 მილიონ ევროს ითხოვს.

არაუხოს მომავალი "ბლაუგრანაში" ბუნდოვანია. რონალდმა, შესაძლოა, კონტრაქტი არ გააძანგრძლივოს და კატალონიური კლუბი დატოვოს.