რა როლი აქვს ტიაგოს ბარსელონაში?
გავრცელებული ინფორმაციით, "ბარსელონას" ყოფილი ნახევარმცველი ტიაგო ალკანტარა "ბლაუგრანაში" ბრუნდება და ჰანსი ფლიკის სამწვრთნელო შტაბში იმუშავებს. ტიაგო "ბარსაში" შარშანაც მუშაობდა, მაგრამ ბიუროკრატიული მიზეზების გამო მას მალევე წასვლა მოუწია. ივარაუდება, რომ ალკანტარა ამჯერად კატალონიურ კლუბთან გაცილებით დიდხანს ითანამშრომლებს.
რა როლი აკისრია და რას გააკეთებს ტიაგო "ბარსელონაში"? Mundo Deportivo-ს თუ დავუჯერებთ, ტიაგო ალკანატარა ვარჯიშებზე ძირითადად ნახევარმცველებთან და ახალგაზრდა ფეხბურთელებთან იმუშავებს.
ივარაუდება, რომ ტიაგო მარკ ბერნალს, რომელიც სერიოზული ტრავმისა და ერთწლიანი უქმობის შემდეგ მალე გამოჯანმრთელდება, დიდ ყურადღებას დაუთმობს და მას გუნდში ინტეგრირებაში დაეხმარება.
ტიაგო "ბარსას" საწრთვნელ ბაზაზე იმუშავებს. წყაროს ცნობებით, ის მატჩებზე სამწვრთნელო შტაბში არ იქნება და გუნდს არც სტუმრად გასამართ თამაშებზე გაჰყვება.
ამ სიახლეზე კომენტარები გათიშულია.
კომენტარები [ 7 ]