სუარესის "ბილბაოსთან" თამაში გამოირიცხა
დანამდვილებით შეიძლება ითქვას, რომ "ბარსელონას" ურუგვაელი თავდამსხმელი ლუის სუარესი "ბილბაოსთან" ესპანეთის თასზე ხვალ გასამართ მატჩში მონაწილეობას ვერ მიიღებს. ამის მიზეზი დისკვალიფიკაციაა.
სამეფო თასის 1/8-ფინალში "ესპანიოლთან" გამართული პირველი შეხვედრის შემდეგ, არბიტრმა ოქმში ჩაწერა, რომ მატჩის დასრულებისას სუარესმა მეტოქე გუნდის ფეხბურთელებს სიტყვიერი შეურაცხყოფა მიაყენა. ამის გამო, ურუგვაელს ორმატჩიანი დისკვალიფიკაცია მისცეს, რომელთაგან ერთი მან უკვე მოიხადა.
"ბარსელონამ" დისკვალიფიკაცია სააპელაციო კომიტეტში გაასაჩივრა, მაგრამ უარი მიიღო. ამის შემდეგ, კატალონიელებმა ესპანეთის სპორტის სადისციპლინო კომიტეტს მიმართეს. თუმცა, პრობლემა ისაა, რომ "ბილბაოსთან" თამაში ხვალ გაიმართება და სადისციპლინო კომიტეტი მანამდე სხდომის გამართვას ვერ მოასწრებს. ეს კი ნიშნავს, რომ სუარესი 1/4-ფინალის პირველ მატჩს აუცილებლად გამოტოვებს.
"ბილბაოსთან" თითქმის გამორიცხულია ლეო მესის თამაშიც, რომელსაც მცირე დისკომფორტი აქვს. ეს ნიშნავს, რომ "ბარსას" ვარსკვლავური შემტევი ტრიოდან მოედანზე მხოლოდ ნეიმარს ვიხილავთ, რომელიც ბოლომდე მწყობრში არაა. ბრაზილიელმა გუშინდელი ვარჯიში გამოტოვა.
ამ სიახლეზე კომენტარები გათიშულია.
კომენტარები [ 29 ]