ბაიერნი ლევანდოვსკიში 60 მილიონს ითხოვს

რობერტ ლევანდოვსკის საგა გრძელდება - "ბარსელონა" ტრანსფერზე მუშაობას განაგრძობს, მაგრამ "ბაიერნი" ფეხბურთელს მარტივად არ გაუშვებს.

Mundo Deportivo-ს ინფორმაციით, გერმანელებმა პოზიცია შეიცვალეს და მზად არიან, პოლონელი თავდამსხმელი გაყიდონ, მაგრამ ისინი 60 მილიონ ევროს ითხოვენ.

როგორც ცნობილია, "ლურჯ-ბროწეულისფერები" 33 წლის ფეხბურთელის სანაცვლოდ "ბაიერნს" 40 მილიონს სთავაზობენ, თუმცა, შესაძლოა, მხარეები 50 მილიონ ევროზე შეთანხმდნენ.

Sky Sport-ის თანახმად, ლევანდოვსკის "ბარსელონაში" ტრანსფერი ახლა უფრო რეალურია, ვიდრე რამდენიმე კვირის წინ იყო, მაგრამ კლუბები სატრანსფერო ფასის თაობაზე კომპრომისზე უნდა წავიდნენ.