„ბარსელონა“ ალექსის სანჩესის გასაშვებად მზადაა

"ბარსელონა" მზად არის განიხილოს შემოთავაზებები გუნდის 25 წლის თავდამსხმელზე ალექსის სანჩესზე, იტყობინება Sport.es.

ჩილელზე არის ბევრი მოთხოვნა და კატალონიელებმა ფეხბურთელის გაყიდვა გადაწყვიტეს, თუ კარგ წინადადებას მიიღებენ. თავდამსხმელზე მთავარ პრეტენდენტად სახელდება "იუვენტუსი", რომელიც მოლაპარაკებების დასაწყებად მზადაა. სატრანსფერო თანხამ, შესაძლოა, 40 მილიონი ევრო შეადგინოს.

მიმდინარე სეზონში სანჩესმა ესპანეთის ჩემპიონატში 23 მატჩი ჩაატარა, გაიტანა 16 გოლი და გააკეთა 7 შედეგიანი გადაცემა.