დანი ალვესის ინტერვიუ
"ბარსელონას" ბრაზილიელი ლეგენდა, დანი ალვესი საინტერესო ინტერვიუს წერს:
"ბარსა" კვლავ უნდა ავაშენოთ - ამისთვის სტაბილურობა და მხარდაჭერა გვჭირდება. ლაპორტა ამას შეძლებს. ბედნიერები ვართ, რომ ასეთი პრეზიდენტი გვყავს.
რატომ აქვს "ბლაუგრანას" ეკონომიკური კრიზისი და არა "რეალს"? წარმატებულ მენეჯმენტს ცუდს (ბართომეუ და მისი შტაბი) ვერ შევადარებთ. ფლორენტინო პერესი თავისი გუნდის ინტერესების მიხედვით მოქმედებს.
2022 წლის მსოფლიო ჩემპიონატი დიდებული იქნება. ყატარში სტუმრებს განსაკუთრებულად ხვდებიან, რამაც ჩემი ყურადღება მიიპყრო.
ამ მუნდიალზე ნამდვილად ვიქნები და სასიამოვნო იქნება, თუ ეს ფეხბურთელის რანგში მოხდება. შემიძლია თუ არა მსოფლიო ჩემპიონატზე თამაში? ეს ჩემს მუშაობაზე იქნება დამოკიდებული. ვიცი, ეს როგორი რთულია, თუმცა, საკუთარი შესაძლებლობების მჯერა.
ყოველთვის მინდა, რომ, თუ კოპა ამერიკას ბრაზილია ვერ მოიგებს, ეს ჩემმა მეგობრებმა გააკეთონ. ვერ ვიტყვი, რომ მესის არგენტინის მიერ ბრაზილიის დამარცხებით ბედნიერი ვიყავი, მაგრამ ლეოს ოცნების ახდენა მიხაროდა.
ჩავისთან მუშაობით მოხარული ვარ. როცა თანაგუნდელები ვიყავით, ისტორია დავწერეთ. ახლა სხვა ვითარებაში ვართ და კლუბის შესაფერის ადგილზე დაბრუნება გვევალება. "ბარსელონა" გვიყვარს, რის გამოც მისთვის ყველაფერს გავაკეთებთ.
ამჟამინდელი მდგომარეობის გამო "ბარსელონაში" დაბრუნებაზე ვყოყმანობდი თუ არა? კლუბში არსებულ სიტუაციას მნიშვნელობა არ ჰქონდა, რადგან, თუ ასე ფიქრობ, "ბარსას" აღარ სჭირდები. აქ გუნდის დასახმარებლად დავბრუნდი. მას საკადრის ადგილზე კვლავ ავიყვანთ.
ბართომეუს პრეზიდენტობის დროს შეთავაზება რომ მიმეღო, დავბრუნდებოდი თუ არა? არა. გუნდი სწორედ მაშინ დავტოვე და მასთან დაბრუნებას აზრი არ ექნებოდა.
შეძლო თუ არა ვინმემ ჩემი შეცვლა? ვფიქრობ, ყველასთვის რთულია იმის გაკეთება, ვინც მანამდე სხვამ გააკეთა. "ბარსელონა" განსხვავებული კლუბია, რომლის ფილოსოფიაც ფეხბურთელმა კარგად უნდა გაიგოს - ეს ბევრ მოთამაშეს არ შეუძლია".
ამ სიახლეზე კომენტარები გათიშულია.
კომენტარები [ 6 ]