არაუხოს დარჩენა სურს, თუმცა არც წასვლას გამორიცხავს | Sport
"ბარსელონა" და რონალდ არაუხოს შორის კონტრაქტის გახანგრძლივებასთან დაკავშირებით მოლაპარაკებები დიდი ხანია უშედეგოდ მიმდინარეობს. Sport-ის ცნობით, მხარეთა პოზიციები საკმარისად არ დაახლოებულა, ამიტომ უახლოეს მომავალში შეთანხმებას არ უნდა ველოდეთ.
ურუგვაელს "ბარსაში" დარჩენა სურს და ამავდროულად იმედოვნებს, რომ გუნდი მას დააფასებს. ის კლუბში ერთ-ერთი ყველაზე დაბალანაზღაურებადი ფეხბურთელია, რაც კონტრაქტის გახანგრძლივების შემდეგ უნდა შეიცვალოს. 22 წლის უკანახაზელს "ბლაუგრანას" ეკონომიკური მდგომარეობის კარგად ესმის და მზადაა, დარჩენის სანაცვლოდ პრემიერ ლიგის კლუბების ბევრად უკეთეს შეთავაზებებზეც კი უარი თქვას. საბოლოო ჯამში, არაუხოს პოზიცია ასე ჩამოყალიბდება: მისი პრიორიტეტი "ბარსაში" დარჩენაა, თუმცა წასვლას 100%-ით არ გამორიცხავს.
თავის მხრივ, "ბარსელონა" ურუგვაელს დაცვის ლიდერად მოიაზრებს და მისი გაშვება კლუბის ინტერესებში არავითარ შემთხვევაში არ შედის. ამის გათვალისწინებით, მოსალოდნელია, რომ მხარეები შეთანხმებამდე მივლენ.
ამ სიახლეზე კომენტარები გათიშულია.
კომენტარები [ 10 ]